Семейлік клуб Чемпиондар лигасының негізгі кезеңінде өнер көрсетпек

“Семей” төрт командалық топта өнер көрсетеді. Қарсыластары – Чехияның “Хрудим”, Францияның “Этуаль”, және Еуропаның қазіргі чемпионы, Испанияның “Пальма” клубтары.

Барлық ойындар Пальма-де-Майорка қаласындағы “Сон Моиш” спорт кешенінде өтеді. Бұл арена өткен маусымда “Пальманың” чемпиондық жорығы басталған әйгілі алаң саналады.

Матч кестесі

• 29 қазан, 20:30 — “Семей” – “Хрудим”

• 30 қазан, 20:30 — “Этуаль” – “Семей”

• 1 қараша, 23:30 — “Пальма” – “Семей”

Құрам мен тәжірибе тұрғысынан топ өте күрделі. Чехиялық “Хрудим” – Еуропадағы ең тәжірибелі клубтардың бірі, ал “Пальма” – қазіргі құрлық чемпионы және турнир фавориті. Францияның “Этуалі” де соңғы жылдары футзал деңгейін айтарлықтай көтерген команда.