"Манчестер Ситидің" шабуылшысы Серхио Агуэро "Барселона" клубына ауысты, деп хабарлайды каталондық клубтың ресми сайты.
Бұған дейін 32 жастағы аргентиналық футболшының медициналық тексерістен өтіп жатқаны және каталондық клубпен 2023 жылға дейін келісім-шартқа отыратыны белгілі болған еді.
Еске салайық, Серхио Агуэроның "Манчестер Ситимен" келісім-шарты аяқталды. Ағылшын клубы аргентиналықпен келісім-шартты ұзартпау туралы шешім қабылдады. Агуэро "Манчестер Сити" сапында 2011 жылдан бері ойнады. Осы уақыт ішінде бес рет Англия Премьер-лигасын, бір мәрте Англия Кубогін және үш рет ел Суперкубогін, алты рет Англия лигасының Кубогін жеңіп алды. Шабуылшы "қалалықтар" үшін 390 матч өткізіп, 260 гол соқты, 73 нәтижелі пас берді.
Біздің серіктес: FONBET