Севилья-Еуропа Лигасының жеңімпазы!

Финал-әрқашанда жоғары градус, атмосфера! Финал-аяғы біреу үшін өкінішпен, қайғымен, біреу үшін қуанышпен аяқталатын ары кетсе екі жарым сағаттық матч!  Кәрі құрлықтағы халықаралық турнирлер арасындағы статусы бойынша,  Чемпиондар Лигасына ғана жол беретін Еуропа Лигасының финалы Туринде! Жартылай финалда "Ювентусты" өз үйіндегі финалдан айырған "Бенфика" мен испаниялық "Севилья" сынға түспек. "Бенфика"-екінші жыл қатарынан финалда жеңілгісі келмейтін команда.  "Бенфика"-сонау-сонау өткен ғасырдың 60-шы жылдарынан бері Еуропада алтыннан алқа тақпаған ұжым. "Бенфика"-қатарынан 7 рет финалда жолы болмаған ұжым! Португалияның Еуропадағы намысын тек "Порту" ғана емес, "Бенфика" да қорғай алатынын дәлелдеуге  ұмтылған қайсар ұжым! Ал, "Севилья" өткен он жылдықтың ортасында ғана қатарынан екі мәрте еурокубокті еншілеген команда, шешуге кезеңге сүрініп, ақсаңдап, құлап, қайта тұрып жетті. Алысқа бармай жартылай финалдағы "Валенсияға" қарсы драманы еске түсірсек те жетіп жатыр. Португалиялық "Бенфиканың" жолына,  Еуропа Лигасында жеңіске жетуі үшін португалиялық азамат кедергі болды! Мүмкін, Бразилияда, Португалияның  незізгі қақпашысы рөлін атқарар Бету, қатарынан матч соңындағы екі пенальтиді қайтарып, Бенфиканың жолын бөгеді. "Севилья" үшін жеңісті еншіледі. Әрине, толықтай матчты алып қарасақ "Бенфиканың" басымдығымен өтті. Бірақ, басымдықты нәтижеге ұластыра алмағанына лиссабондықтардың өздері ғана кінәлі.  Еуропада испандықтардың үстемдігі жүріп тұр. Бүгінгі кубок те Испанияға аттанды, Чемпиондар Лигасы да Мадридке аттанары айдан анық. Суперкубокті те испаниялық клуб еншілейді. Әйгілі Гутманның қарғысы әлі де іс жүзінде. 60-шы жылдары "Бенфика" алдағы 100 жыл бойы Еуропада ешқандай турнир жеңбейді деген. Қатарынан сегізінші финалда сан соқты. Дәл бүгін сәттіліктің "Севилья" жағында болғанын жасырмаймыз. Бірақ, тылсым күштің де мықтыны таңдары бар емес пе?

14 мамыр. Турин. Стадион "Ювентус". Төреші - Феликс Брых (Германия). СЕВИЛЬЯ - БЕНФИКА - 0:0 (0:0) Севилья Бенфика   Бету  Ян Облак  Андухар Коке  Макси Перейра  Николас Пареха   Луизао  Федерико Фасио  Эсекьель Гарай  Альберто Морено  Гильерме Сикейра, 99  Стефан Мбиа  Рубен Аморим  Даниэл Каррису  Андре Гомеш  Хосе Антонио Рейес, 78  Николас Гайтан, 119  Иван Ракитич  Миралем Сулеймани, 25   Витоло, 110  Лима  Карлос Бакка  Родриго Ойын барысында алаңға шыққандар:  Марко Марин, 78; 104  Андре Алмейда, 25  Кевин Гамейро, 104  Оскар Кардосо, 99  Диогу Фигуэйраш, 110  Иван Кавальеру, 119 Ескертулер:  Федерико Фасио, 11  Гильерме Сикейра, 30  Альберто Морено, 13  Андре Алмейда, 100  Андухар Коке, 98

Пенальтиден Севилья 4:2 есебімен жеңіске жетті.   Лима (0:1).  Бакка (1:1).  Кардосо (1:1 - қақпашы Бету).  Мбиа (2:1).  Родриго (2:1 - қақпашы Бету).  Коке (3:1).  Луизао (3:2).  Гамейро (4:2).   Фараби ӘБДІХАЛЫҚ