Қарағандылық "Шахтердың" қорғаушысы Михаил Габышев Қазақстан құрамасына шақырту алды, деп хабарлайды клубтың баспасөз қызметі.
4 маусымда Талғат Байсуфиновтың шәкірттері Скопьеде Солтүстік Македония құрамасымен жолдастық кездесу өткізеді. Сонымен қатар 7 маусымда Қазақстан құрамасы Аустрияның Вольфсберг қаласында Мальтамен ойнауы керек еді. Алайда, елдегі эпидемиологиялық жағдайға байланысты Аустрияның Қазақстандағы елшілігі ойыншыларға, жаттықтырушылар мен қызметкерлерге виза беруден бас тартты.
Ұлттық құраманың қосалқы құрамында "Шахтер" клубының қақпашысы Игорь Шацкийдің де бар екенін айта кетейік.
Біздің серіктес: FONBET