“Шанхай” Шушеначевқа қоңырау шалды – “Ақтөбе” шабуылшысын Қытайға неге жібермеді?
“Қайраттың” түлегі, бүгінде “Ақтөбе” сапында өнер көрсетіп жүрген Артур Шушеначевқа Қытай алпауыттарының бірі — “Шанхай Порт” клубы тарапынан шынайы қызығушылық болды, деп хабарлайды Aladop.kz.
Алайда, аспан асты еліне жол тартатын трансфер күтпеген жерден тоқтап қалды.
Биылғы маусымда Артур Шушеначев ҚПЛ аясында “Ақтөбе” үшін әзірге 9 кездесу өткізіп, 4 гол соқты және 1 нәтижелі пас берді.
Елдар Аманбаевтың хабарлауынша, Қытай Супер лигасының “Шанхай Порт” клубы тарапынан Артурға нақты ұсыныстар түскен.
Шушеначевтің халықаралық деңгейге шығуына не кедергі – клубтағы басшылықтың ауысуында жатқан сияқты.
Мәліметке сүйенсек, “Ақтөбе” клубының бұрынғы басшылары бұл трансферге үзілді-кесілді қарсы болып, ауысу процесін бұғаттап тастаған.
Қазіргі таңда клуб тізгінін ұстаған жаңа басшылық команданың шабуыл шебін күшейтудің өзге жолдарын қарастыруда. Олар Артурдың тағдырын шетелге жіберу арқылы емес, ішкі бәсекелестікті арттыру арқылы шешпек көрінеді.
Біздің серіктес: FONBET