Бүгін, 28 маусымда Франция құрамасы Швейцария құрамасымен кездесті. Еуро-2020 турнирінің 1/8 финалдық матчы Бухаресттегі (Румыния) Ұлттық стадионда өтті. Матчтың негізгі және қосымша уақыты 3:3 есебімен аяқталды. Пенальти сериясында 5:4 есебімен Швейцария жеңіске жетті.
Франция мен Швейцария арасындағы текетірес сценарий бойынша өрбіді. Есепті 15-минутта швейцариялықтар ашты. Голдың авторы - Харис Сеферович. Бірінші тайм Швейцарияның күтпеген жеңісімен аяқталды. Екінші таймда қызыл-ақтар өз басымдықтарын еселеуге мүмкіндік алды, бірақ Рикардо Родригес пенальтиден гол соға алмады.
Содан кейін ең танымал футбол заңы жұмыс істеді: егер сен соқпасаң, саған соғады. Швейцария жүзеге асыра алмаған пенальтиден кейін Франция бірден есепті теңестірді. Карим Бензема 57-минутта гол соқты. Екі минуттан кейін Бензема дубль жасап, командасын алға шығарды. Алыстан керемет соққы жасаған Поль Погба командасының үшінші голын соқты. 81-минутта Швейцария Харис Сеферовичтің күшімен бір гол соғып алды. Интриганың қайта жандана түсетініне сену қиын болды, бірақ 90-минутта Марио Гавранович таразы басын теңестірді. Ойын қосымша уақытқа ұласты.
Қосымша уақытта гол соғылған жоқ. Ал пенальти сериясында Франция құрамасы үшін шешуші пенальтиді Килиан Мбаппе соққан жоқ.
Біздің серіктес: FONBET