Шымкентте молдовалық экспансия бастала ма?

«Петрокуб» бапкерінің тағайындалуы жайлы жаңалықты молдовалық клубтың Конференциялар лигасының негізгі кезеңіндегі жорығы аяқталғанда желтоқсанда жариялайтын шығар. Ал оған дейін шымкенттіктер трансферлік нарықта белсенді. Келіп жатқан ақпаратқа сай, команданы негізінен жасақтап отырған молдовалық танымал агент Жора Карпачеану. Осыған байланысты «Ордабасы» ойыншыларды молдова-румыния нарығынан да іздейді деп есептеуге болады. Осыған дейін де хабарлағанымыздай, клубтың жақын аралықтағы трансфері «Шерифтің» қақпашысы Челядник», - делінген телеграмм-арнасындағы жазбада.

Шымкент қаласының әкімі Ғабит Сыздықбеков қазір клубқа бас бапкер таңдау үстінде. Клуб басшылығы молдовалық маман Андрей Мартин, «Жетісудың» жаттықтырушысы Қайрат Нұрдәулетов пен «Атырауды» тізгіндейтін беларусиялық Виталий Жуковскийдің кандидатурасын қарастыруда деген ақпарат бар. Естеріңізге сала кетейік, жазда шымкенттік ұжымды ЧЛ іріктеуінде қазір бас бапкерліктен басты үміткер Андрей Мартиннің «Петрокубы» ұтып кеткен еді.