«Ференцвароштың» бас бапкері Станислав Черчесов УЕФА Чемпиондар лигасының бірінші іріктеу кезеңі аясында «Тобылмен» болатын ойынға қатысты пікір білдірді:
- Ұзақ жол мен уақыт айырмашылығы команда үшін мәселе болуы мүмкін бе?
– «Мәселе» дегеннің біздің сөздік қорымызда жоқ екенін бәрі біледі. Біз қалай ұшу керектігін дұрыс есептедік. Жақсы ұшақпен келдік, жігіттердің көңіл-күйі жақсы. Тағы да уақыт айырмашылығы бар. Бірақ біз қалай дайындалу керектігін білеміз, тәжірибеміз жеткілікті. Қайталап айтамын, бізді алда ойын күтіп тұр, біз оған бәріне қарамастан дайын болуымыз керек.
– Маусым алдындағы дайындық туралы не айтасыз? Ұзақ мерзімді маусым алдындағы команданың жағдайы қалай? Сондай-ақ «Тобылмен» болатын текетірес жайлы не ойлайсыз?
- Ойынның қалай болатынын айта алмаймын, өйткені болашаққа көз жүгірту қиын. Әрине, біз дайынбыз. Не істеу керектігін білеміз. Бірақ өз мақсатына жету үшін ойнайтын қарсыласты да ұмытпауымыз қажет. Дайындық пен оқу-жаттығу жиындарына келер болсақ, 10 ойыншымыз ұлттық құрама сапында болып, екінші оқу-жаттығу жиынына ғана қосылды. Біз 5 жолдастық матч өткіздік, аталған ойыншылар үш кездесуге толық қатысты. Біз өз мүмкіндігімізді барынша пайдаландық. Бәрі жақсы болады деп ойлаймын.
– Осы жазда командаңызға төрт жаңа ойыншы қосылды. Олар ертең ойнай ма?
- Олар бізбен бірге осында келді. Бізде ертеңгі ойынға арнап жоспар құруға 24 сағат бар. Әрине, олардың біреуі алаңға шығуы әбден мүмкін. Жағдайға байланысты шешім қабылдаймыз.
– «Тобылдың» күшті жақтарын байқадыңыз ба?
– Байқағанымды, көргенімді айтпай-ақ қояйын. Команданың жай ғана чемпион болмайтыны анық. Биылғы маусым ойдағыдай басталмаса керек. Сондықтан бапкері ауысты. Қайталап айтамын, біз ертең чемпионмен ойнаймыз. Команда жақсы ойыншылардан жасақталған, сондықтан қиын кездесуге дайындалып жатырмыз.
– Стадион қалай екен?
– Мен бұл алаңға әлі шықпадым. Сыртынан қарағанда жақсы көрінеді. Менің түсінуімше, «Тобыл» бұл жерде алты ай бойы ойнамаған. Тек бір ғана ойын өткізіпті.
- Қостанайдағы климаттық жағдайлар матчқа қалай әсер етуі мүмкін?
- Будапештте қазір 35 градус ыстық. Ол жақпен салыстырғанда мұнда қыс болып тұр.
– Қазір Қазақстан чемпионаты нағыз қызған шағында тұр, ал Венгрияда маусым әлі басталмады. «Ференцварош» Австрияда оқу-жаттығу жиынын өткізді. Командаңыздың осы матчқа дайындық деңгейіне көңіліңіз тола ма?
– Чемпионат ойындары болып жатқанда команданы реттеу оңайырақ болады. Венгрияды футбол маусымы әлі басталмады, бірақ бұл ештеңені білдірмейді. Алда іріктеу матчы келе жатыр. Дайындық жағынан жоспарлағанымызды орындадық.
Біздің серіктес: FONBET