Өткен аптаның жексенбі күні Қазақстанның 7 бірдей қаласында футболдан ел премьер-лигасының 3-тур ойындары болып өтті. Үш ойыннан кейін ұпайдан шашау шығармаған «Тараз» бен «Ертіс» командалары 9 ұпаймен турнирлік кестеде көш бастап тұр. Ал сырт алаңдағы екінші кездесуінде ұтылған алматалық «Қайратта» небәрі үш-ақ ұпай.
2-турда Алматыда «Оқжетпесті» ойсырата жеңген алматылықтар бұл жолы Атырау қаласының аттас командасымен күш сынасқан болатын. Көкшетаулықтарға үш гол соғып, қанаттанған «Қайрат» ойыншылары сырт алаңдағы ойыннан қайткенде ұпай алуды мақсат тұтты. Өйткені алғашқы турды сыртта өткізген Дмитрий Огай шәкірттері Қостанайда «Тобылға» 4:0 есебімен есе жіберген болатын. Біріншілік басындағы әрбір ұпайдың маңыздылығын сезінген алматылықтар Атыраудағы ойынның алғашқы минуттарында қорғаныстан қателік жіберді. Соның салдарынан 4-минутта Сараев есепті ашты. Бірінші таймда есепті теңестіруге ұмтылған Огай тәлімгерлері шабуылдан еш нәтиже шығара алмады. Кнежевич пен Иовановичтердің бағыттаған соққылары Бойченко қорғаған қақпаға дарымай жатты. Кезінде «Қайратта» өнер көрсеткен Бойченко осы ойында өте сенімді ойнағанын да айта кеткеніміз жөн. Екінші таймның орта шеніне таяғанда Шафф есепті еселеп, батыстық командаға үш ұпай әперді. «Қайрат» биылғы біріншілікте үш гол соқты. Соның барлығы дерлік легионерлердің еншісінде. Енді алматылық команда өз алаңында 1-сәуір күні елордалық «Астана» командасын қабылдайтын болады. Атырау – Кайрат 2:0 (1:0) Гол: Сараев (4), Шафф (73) «Атырау»: Бойченко, Сараев (Бикеев), Тркуля, Куцов, Самченко, Милаикович, Хохлов (Шәлікенов), Чуреев, Данилюк, Буач (Родионов), Шафф. «Қайрат»: Шабанов, Акйылдыз, Джорджевич, Яковлев (Сахалбаев), Гурман, Дафф, Кнежевич, Розыбакиев (Калинин), Әубәкіров (Балтиев), Йованович. Төреші: Антонов (Павлодар) О Ұ 1 «Ертіс» 3 9 2 «Тараз» 3 9 3 «Ақжайық» 3 6 4 «Ақтөбе» 3 6 5 «Тобыл» 3 6 6 «Ордабасы» 2 4 7 «Сұңқар» 3 4 8 «Астана» 2 3 9 «Атырау» 3 3 10 «Шахтер» 3 3 11 «Жетісу» 3 3 12 «Қайрат» 3 3 13 «Қайсар» 3 0 14 «Оқжетпес» 3 0Біздің серіктес: FONBET