Талғат Байсуфинов: “Ұлттық құрама — халықтың командасы”
Қазақстан ұлттық құрамасының бас бапкері Талғат Байсуфинов алдағы Ұлттар лигасы мен наурыз айында өтетін "FIFA Series" турниріне дайындық жоспарларымен бөлісті, деп хабарлайды Aladop.kz.
Бапкердің айтуынша, команда кез келген додада тек ең жоғары нәтижеге ұмтылмақ.
Бас бапкер наурыз айындағы матчтарды маусымдағы жолдастық кездесулер секілді негізгі дайындық кезеңі деп санайды. Дегенмен, бұл ойындардың стратегиялық маңызы зор.
"Өз алаңымызда ойнағандықтан, тек жеңіске жетуіміз керек. Бұл жігіттерге жеңімпаз рухын беріп, мотивациясын арттырады." — дейді Байсуфинов.
Өткен жылы қаланған футбол философиясы ойыншыларға ұнаған. Ендігі кезекте шабуылдың соңғы шебіндегі тиімділікті арттырып, жеке шеберліктен гөрі көпқырлы комбинациялық ойынға басымдық берілмек.
Байсуфинов қазіргі таңдағы басты жұмыстардың бірі ретінде клубтар мен құрама арасындағы алтын көпірді нығайтуды атап өтті.
"Ұлттық құрама — тек менің немесе федерацияның меншігі емес, бұл — халықтың командасы. Сондықтан біз клуб жаттықтырушыларымен тығыз байланыста болып, оларды құраманы жасақтау процесіне тартуымыз керек.” — деді маман Серый CARDINAL-ға берген сұхбатында.
Наурыздағы турнирге қатысты техникалық мәселелер де назардан тыс қалмады. Ереже бойынша, алдымен 50 футболшыдан тұратын кеңейтілген тізім бекітіледі. Кейін оның ішінен нақты 23 немесе 26 ойыншы іріктеліп алынбақ. Тізім бекітілген соң оған ешқандай өзгеріс енгізу мүмкін емес, сондықтан қазіргі таңда селекциялық жұмыс қарқынды жүріп жатыр.
Біздің серіктес: FONBET