«Тараз» Түркиядағы оқу-жаттығу жиыны аясында өткізген жолдастық кездесуде сербиялық «Колубара» клубынан 0:3 есебімен жеңіліп қалды.
«Тараз»: Мұхаммеджан Сейсен (қ) – Алекс Жуниор, Жалғас Жақсылықов, Берік Айтбаев, Мақсат Әмірханов – Бектас Нұрдәулет, Абзал Таубай, Жақып Қожамберді, Бауыржан Байтана, Дінмұхамед Қараман – Абылайхан Жұмабек.
Айта кетейік, «Колубара» Сербия чемпионатында 12-орында келе жатыр.
Естеріңізде болса, жамбылдық клуб бұған дейін екі жолдастық матч өткізген болатын. Нұркен Мазбаев шәкірттері косоволық «Ульпианадан» жеңіліп (0:1), германиялық «Падерборнның» екінші командасынан басым түсті (3:0).
Біздің серіктес: FONBET