Тарихы терең ұжымдар өздері арасында жолдастық кездесу өткізбекші
6 қыркүйек күні Павлодарда футбол тойы болады.
Осы маусымда алғаш рет Павлодар жерінде Премьер Лига мен Бірінші Лига командасы жолдастық матч өткізеді.
Тарихы терең ұжымдардың текетіресін жергілікті халық 6 қыркүйек күні сағат 16:00-де тамашалай алады. Келем деуші жандарға стадион аумағына кіру тегін!
Бұл матч халықаралық ойындар үзілісін пайдалану арқылы ұйымдастырылып отыр.
Жалпы қос команда бұрыннан бері достық қарым-қатынаста. Командалар әр жылдары өздерінің аңыз ойыншыларынан құрам жасақтап, матчтарда ойнатып келді. Енді міне кезек негізгі ұжымның жігіттеріне де келді.
Қайта түлеген командалар арасындағы жолдастық кездесу құрамаға кеткен маңызды ойыншыларсыз да қызықты өтеді деген сенімдеміз. Оның үстіне қазірде Павлодардағы халықтың футбол мерекесіне деген қолдауы да жанданған.
Біздің серіктес: FONBET