Темірлан Ерланов Ұлттар Лигасының 3-турының символикалық құрамына енді

Қазақстан ұлттық құрамасының футболшысы Темірлан Ерланов SofaScore аналитикалық порталының нұсқасы бойыншай Ұлттар лигасының топтық кезеңіндегі үшінші турдың символикалық құрамына енді,

«Тобылдың» қорғаушысы Қазақстан - Албания матчында үздік деп танылып, 8.1 ұпайға ие болды. Қазақстандық ойыншыдан басқа турдың символикалық құрамына: Серхио Рамос (Испания), Одмар Фере (Фарер аралдары), Кайл Голдуин (Гибралтар), Мартин Эдегор, Эрлинг Холланд, Александр Серлот, Биргер Мелинг (барлығы - Норвегия), Анастасиос Бакасетас (Греция), Рауно Саппинен (Эстония) және Венсан Тилль (Люксембург) кірді.

Естеріңізге сала кетейік, Қазақстан құрамасы үшінші тур матчында Албаниямен тең түсіп, өз тобындағы көшбасшылықты сақтап қалды. Ертең, 14 қазаннан 15-не қараған түні команда сырт алаңда Беларуссиямен кездеседі.