Тимур Турлов: «Шахтердің» Еурокубоктардағы жеңістері алыс емес»
Қарағандылық «Шахтер» иесі Тимур Турлов команданы Премьер лигаға қайта оралуымен құттықтап, алдағы жоспарларымен бөлісті. Оның айтуынша, клуб маусымды өте сәтті өткізіп, көрсеткен ойын өрнегімен көпшіліктің күткен үмітінен де асып түсті, деп хабарлайды Aladop.kz.
Турлов мырза клубтың Премьер лигаға оралуын үлкен болашаққа жасалған алғашқы қадам деп бағалайды.
«Біз қазір үлкен әрі жарқын болашақтың іргетасын бірге қалап жатырмыз. Еурокубоктардағы жеңістеріміз алыс емес екеніне сенімдімін» — деді ол өз құттықтауында.
Клуб иесі тек нәтижеге ғана емес, ұзақ мерзімді тұрақтылыққа басымдық беріп отыр. Осы мақсатта келесідей маңызды жұмыстар қолға алынбақ:
– Жас футболшылардың жаңа буынын тәрбиелейтін заманауи үлкен академия салу.
– Қарағанды қаласындағы футбол инфрақұрылымын дамыту.
– Клубтың ұзақ мерзімді тұрақтылығын қамтамасыз етуге инвестиция салу.
Тимур Турлов «Шахтердің» тек жеңіс үшін жаралған, аңызға айналған тарихи клуб екенін атап өтті. Ол команданың атқарған жұмысын жоғары бағалап, футболшыларға алдағы уақытта жаңа белестерді бағындыруға тілектестік білдірді.
Сөз соңында клуб иесі: «Алға, Шахтер! Алға, Қарағанды!» деген ұранмен командаға жігер берді.
Біздің серіктес: FONBET