Meta-ratings.kz сайтына белгілі болғандай, "Ақтөбе" мен Өзбекстан құрамасының шабуылшысы Игорь Сергеев "Тобылға" ауысуы мүмкін.
Қыста "Астана" клубы да Сергеев үшін талас жүргізген еді, бірақ "Ақтөбе" шабуылшының қаржылық талаптарын орындауға өз келісімін берді. Жазда басшылық ауысқаннан кейін Сергеев "Ақтөбе" үшін тым қымбатқа түсті. Оның клубтан кетуі командаға басқа позицияларды күшейтуге мүмкіндік берер еді.
Көктемнен бері ҚПЛ-да гол соқпаған шабуылшыға қызығушылық танытқан екі клуб бар. "Пахтакор" шабуылшыны қайтаруға қарсы емес, бірақ ташкенттік клубтың қаржылық жағдайы керемет емес. Ал "Тобыл" Конференция лигасы қарсаңында өзінің шабуыл шебін күшейткісі келеді.
Айтпақшы, Сергеевтің қызметі "Астанаға" да ұсынылды. Бірақ бұл жолы елордалық клуб өзбекстандық шабуылшыдан бас тартты.
Біздің серіктес: FONBET