"Ақжайық" Қазақстан Премьер-лигасының 26-турында "Тобылмен" кездесті. Матч Оралдағы Петр Атоян атындағы стадионда өтіп, 0:2 есебімен қостанайлық клуб жеңіске жетті.
Ойынның 28-минутында "Тобыл" шабуылшысы Игорь Сергеев есеп ашты. Асхат Тағыбергеннің алыстан жасаған соққысын "Ақжайық" қақпашы қайтарған еді, ал допқа бірінші болып жеткен өзбекстандық шабуылшы командасын алға шығарды. 60-минутта Асхат Тағыберген екінші голды соғып, ойынның нүктесін қойды.
26 матчта 61 ұпай жинаған Александр Москаленко шәкірттері осы маусымның чемпионы атанды. 32 ұпайы бар "Ақжайық" тоғызыншы орынға ие болды.
Біздің серіктес: FONBET