Төрешілердің қызметіне сын артқан бапкер жазаға тартылды
“Жетісу” бапкері Самат Смақов Федерация тарапынан айыппұл арқалады.
Еске салсақ, “Жетісу” Премьер-лиганың 18-турында семейлік “Елімайдан” 3:0 есебімен ұтылған болатын. Матч барысында бас төреші Ысқақов алаң қонақтарына 4 сары қағаз бен 1 қызыл қағаз көрсетті. Осы және ойындағы басқа эпизодтардың басты куәгері болған бапкер Смақов баспасөз-мәслихатында төрешінің әділ жұмысына күмәнмен қараған еді.
Федерация болса, бұған бей-жәй қарай алмай Самат Қабирұлына 393 200 мың теңге көлемінде айыппұл салды.
Бұған дейін, осындай әрекеттері үшін бапкер матчтардан тек шеттетілумен ғана жазаланған болатын.
Бір қызығы, “Жетісу” командасы жеме-жемге келгенде, өз бапкерін орта жолдан лақтырды. Талдықорғандық ұжым Самат Смақов өз пікірін айтты, команданың төрешіге артар ешқандай сыны жоқ екенін алға тартты. Сол арқылы бар кінәні бапкерге ысыра салды.
Біздің серіктес: FONBET