Хорватиялық жартылай қорғаушы Иван Перишич мансабын «Тоттенхэм Хотспурда» жалғастырады. Бұл туралы белгілі инсайдер Фабрицио Романо хабарлайды.
Италиялық журналисттің айтуынша, 33 жастағы футболшы лондондық клубпен екі жылдық келісім-шартқа отырмақ. Перишичке «Ювентус» пен «Челси» де қызығушылық танытты.
Хорватиялық жартылай қорғаушы 2015 жылдан бері ойнап жүрген «Интерден» келісім-шарт мерзімі аяқталғандықтан кетіп барады. Ол өткен маусымда 49 ойынға қатысып, 10 гол соқты, 9 нәтижелі пас берді.
Еске салайық, «Интер» А сериясының өткен маусымын 84 ұпай жинап, екінші орында аяқтады. Олардан екі ұпай көп жинаған «Милан» Италия чемпионы атанды.
Біздің серіктес: FONBET