«Тұран» футбол клубы 31 жастағы бразилиялық вингер Жоалисон Сантос Оливейра, 32 жастағы нигериялық шабуылшы Кехинде Фатаи және 29 жастағы ресейлік қорғаушы Михаил Башиловпен келісім-шартқа отырғанын хабарлады.
Жо Сантостың соңғы командасы Польшаның Экстракласа лигасында бақ сынайтын «Радомяк» клубы болды. Сондай-ақ футболшы Бразилияда «Кампиненсе», «Витория», «Рио Прета», «Сан-Бернарду», Португалияның «Тондела», «Фреамунде», Молдованың «Зимбру», «Шериф», «Политехника», Латвияның «Вентспилс», Румынияның «Херманнштадт», «Вииторул», Бахрейннің «Әл-Риффа» командаларында доп тепкен.
Кехинде Фатаидің соңғы клубы Румынияның «Арджеші» болды. Былтыр нигериялық ойыншы 22 матчта алаңға шығып, екі гол мен бір нәтижелі пастың авторы атанды.
Сондай-ақ мансабында Румынияның «Фарул», «Астру», Бельгияның «Брюгге», Чехияның «Спарта», Ресейдің «Уфа» мен Беларусьтің «Динамо» командаларында ойнаған.
2009 және 2012 аралығында Нигерияның U-20 мен U-23 құрамаларына шақырылды.
Михаил Башилов өткен маусымды Арменияның «Нораванк» командасында өткізіп, ел кубогінің иегері атанды.
Бұған дейін Ресейдің «Томь», «Тюмень», Беларусьтің «Городея», «Белшина», «Энергетик-БГУ» командаларында ойнаған.
Біздің серіктес: FONBET