«Тұранның» жолында садаға кетсін? Түркістан облысының басшылығы аймақтағы барлық командаларды жапқалы жатыр екен
«Kazakh_football_inside» телеграм-арнасының мәлімдеуінше, жақын арада Түркістандағы бірнеше футбол клубы таратылуы ықтимал.
Бұл аймақтың бас командасы «Тұранды» қаржылық қиындықтан шығаруға бағытталған шешім болуы мүмкін делінген арнаның жазбасында. Айта кетейік, маусымды сәтті бастаған түркістандық ұжым соңғы кездері жеңілістен көз ашпай кетті – соңғы төрт турда 0 ұпай. БАҚ-та команда бас бапкері Виталий Жуковский мен оның көмекшілері қызметінен кетеді деген ақпарат тарады. Беларусь маманы өзінің бұрынғы клубы «Атырауға» оралады деген әңгімелер де айтылған.
Дәл қазір «Тұран» премьер-лиганың 12 турынан кейін он бір ұпаймен 10-орынға жайғасқан. Өткен сенбіде түркістандықтар өз алаңында «Жеңістен» жеңілді 0:2. «Тұраннан» бөлек өңірдің намысын Бірінші лигада «Түркістан» командасы қорғайды. Сондай-ақ, Екінші лигада Түркістан атынан «Тұран Ж» командасы да өнер көрсетеді.
Біздің серіктес: FONBET