Ұлттар лигасының сыйақы мөлшері белгілі болды – Ұлттық құраманың табысы қанша?
Қазақстан ұлттық құрамасының 2026/27 жылғы маусымдағы Ұлттар лигасына қатысуынан түсетін табысы белгілі болды, деп хабарлайды Aladop.kz.
Match KZ мәліметінше, С дивизионында өнер көрсететін отандастарымызға УЕФА тарапынан қомақты қаржылай қолдау көрсетілмек.
Қазақстан құрамасы аталмыш турнирге қатысқаны үшін УЕФА-дан кепілдендірілген 1,125 миллион еуро (шамамен 681,7 миллион теңге) алады. Бұл тек қатысқаны үшін берілетін сома. Егер жерлестеріміз өз тобында көш бастап, жеңімпаз атанса, тағы осындай көлемде сыйақы алып, табысын еселеуге мүмкіндігі бар.
Биылғы маусымда Қазақстан деңгейі жағынан үшінші саналатын С дивизионында бақ сынайды. Жеребе қорытындысы бойынша біздің құрама С3 тобына түсті. Қарсыластарымыз:
– Словакия
– Фарер аралдары
– Молдова
Топта бірінші орын алған команда келесі маусымда беделі жоғары В дивизионына жолдама алады.
Ойын кестесі (Астана уақытымен):
Барлық шешуші кездесулер күз айларына жоспарланған. Ұлттық құрама өз алаңындағы ойындарын жанкүйерлердің қолдауымен "Астана Аренада” өткізеді деп күтілуде.
– 26 қыркүйек, 21:00: Фарер аралдары — Қазақстан
– 29 қыркүйек, 23:45: Словакия — Қазақстан
– 2 қазан, 19:00: Қазақстан — Молдова
– 6 қазан, 19:00: Қазақстан — Фарер аралдары
– 14 қараша, 00:45: Молдова — Қазақстан
– 16 қараша, 20:00: Қазақстан — Словакия
Біздің серіктес: FONBET