ФИФА биыл жылдың үздіктерін марапаттауды Лондон қаласында өткізді.
Әйелдер арасында Бразилия футболының жұлдызы Марта осымен алтыншы рет жыл футболшысы атанып отыр. Ол қазіргі кезде «Орланда Прайд» клубында ойнайды. Марта Американың NWSL чемпионатының плей-офф бәсекесінде 13 гол соғып, әріптестеріне 6 нәтижелі пас шығарған. Бразилия құрамасының капитаны ретінде Оңтүстік Америка кубогын ұтып алды. Бұған дейін ФИФА-ның нұсқасы бойынша 2006, 2007, 2008, 2009 и 2010 жылдары үздік деп танылған.
Финалдық кезеңдегі үштікте «Лионның» екі ойыншысы Аду Хегерберг пен Дженифер Марожан да үмітті болған.