Вахид Масудов: “Чесноков даму үшін дұрыс бағыт таңдады”
“Алтай” клубының бас бапкері Вахид Масудов Ислам Чесноковтың “Хартс” клубына ауысуына қатысты өз ойын білдірді, деп хабарлайды Aladop.kz.
Тәжірибелі маманның пікірінше, бұл трансфер футболшының болашағы үшін үлкен мүмкіндіктер ашпақ.
Еуропалық скауттардың назары
Масудовтың айтуынша, Ресей премьер лигасына ауысу туралы қауесеттер көп болғанымен, Шотландия чемпионаты Чесноков үшін нағыз трамплин болмақ.
“Ислам даму үшін дұрыс бағыт таңдады деп есептеймін. Иә, Ресейге ауысу мүмкіндігі туралы көп айтылды, бірақ Шотландияда ол еуропалық скауттардың назарында болады. Оның үнемі өсіп-өркендегенін қалаймын.” — деді Масудов Sports24.kz-ке берген сұхбатында.
Британдық стильге сай қасиеттер
Жаттықтырушы Исламның ойын мәнері мен физикалық мүмкіндіктері Британдық футболға өте жақсы үйлесетінін атап өтті.
“Чесноков — жылдам әрі допқа иелік ету қабілеті жоғары футболшы. Ол алаңда ешкімге жол бермейтін, күрескер. Оның жойқын солақай соққысы қарсыластар үшін қауіпті. Британдық стиль Исламға өте қолайлы. Оның шеберлігі мен жігері жаңа чемпионатта нәтиже беретініне сенімдімін. Оған сәттілік тілеймін.” — деп түйіндеді сөзін маман.
Біздің серіктес: FONBET