Владимир Муханов: “Ардагер жұлдыздардың команданы алға сүйреуі — екіталай. “Ақтөбеге” есім емес, нәтиже маңызды“
Муханов "Ақтөбенің" жаңа басшылығына кеңес берді, деп хабарлайды Aladop.kz.
"Ақтөбе” тарихындағы ең табысты жаттықтырушы Владимир Муханов Pесейлік журналист Александр Троицкийге берген сұхбатында Aқтөбелік ұжымның трансферлік саясатына қатысты өз ойын білдірді. Соңғы уақытта "Ақтөбе” Нани, Пьянич және Мюллер сияқты ардагер жұлдыздарды қатарға қосуы мүмкін деген қауесеттер спорт сүйер қауым арасында қызу талқылануда.
"Жұлдыздарды жаппай сатып алу — жеңіс кепілі емес"
Муханов клубтың есімі алты алашқа мәлім ойыншыларға қызығушылық танытуын түсіністікпен қабылдағанымен, бұл қадамға сақтықпен қарау керектігін ескертті.
"Әрине, кез келген уақытта қалтада атақты футболшыны шығарып беруге болады, бірақ бұл бірден табысқа жетелейді деген сөз емес. Мен мұндай жаппай сатып алу науқанына абайлап қараймын.” — деді маман.
Жаттықтырушының пайымдауынша, жаңа басшылық мұндай қадамдар арқылы клубқа назар аударуды көздеуі мүмкін. Өйткені "Ақтөбе” тек жүлде алған команда емес, ол — шын мәнінде халықтық ұжым.
Жергілікті ойыншылар мен легионерлер арасындағы баланс
Мухановтың пікірінше, жасы келген жұлдызды ойыншы команданың алға сүйрейтін лидеріне айналуы да, немесе еш пайдасын тигізбеуі де мүмкін. Сондықтан клуб саясатында байыптылық қажет.
Тәжірибелі маман бірнеше маңызды факторды атап өтті:
"Тек легионерлерге сенім арту дұрыс емес. Жергілікті жас таланттар осындай жұлдыздардың қасында жүріп өсуі тиіс. Олар шеттетіліп қалмауы керек."
Муханов өз кезінде "Ақтөбенің" Еурокубоктардың топтық кезеңіне "Астанадан" әлдеқайда ерте шығуға жақын болғанын еске салды. Ол кезде құрамда небәрі бес легионер болған.
"Легионерлер санының артуы нәтиже бергенімен, негізгі күш — шетелдік шеберлер мен өз тәрбиеленушілеріміздің арасындағы үйлесімде."
Владимир Муханов "Ақтөбе" үшін ең бастысы — атақ емес, теңдік екенін баса айтты. Жасы келген жұлдыз команданы алға сүйрейтін тартушы күш бола ма, жоқ па — ол үлкен сұрақ. Сондықтан клуб басшылығы трансфер нарығында тек есімге ғана емес, команданың ішкі тұрақтылығына да мән беруі қажет.
Біздің серіктес: FONBET