Грузия ұлттық құрамасының бас бапкері қызметінен босатылған Владимир Вайсс жұмысын Қазақстан мен Ресейде жалғастыру нұсқаларын қарастыруда.
Үш жыл "Қайраттың" тізгінін ұстаған кезде Вайсс өзін жақсы жағынан көрсетті. Оның басшылығымен алматылық клуб айтарлықтай жетістіктерге жетті, ұзақ жылдар бойы турнирлік кестенің төменгі жағында тұрған олар жүлделі орын үшін күреске қайта оралды.
Словакиялық маманның басшылығымен алматылық ұжым Еуропа лигасының топтық кезеңіне шығуға жақын болды. Бірақ үш жылдық жұмысынан кейін жаттықтырушымен келісімшарт жаңартылмады, содан кейін Вайсс Грузияға кетті.
2019 жылы Вайсс "Астанадағы" Роман Григорчуктің орнын басушы ретінде қарастырылды. Осы жазда да астаналық клуб Вайссқа қызығушылық танытты, тіпті маман келіссөздер жүргізу үшін Қазақстанға ұшып келді, бірақ мәміле сәтті аяқталған жоқ.
Вайсс Грузия құрамасында жұмыс істегеніне қарамастан, "Астанамен" келісімшарт жасасуға дайын болды. Алдағы жазда өтетін Еуропа чемпионатына қатысу мүмкіндігі де оның шешімін өзгерткен жоқ. Грузиндер Еуро-2020-ға шыққан жағдайда, Вайсс ұлттық құрамамен келісімшартты тек клуб жұмысымен үйлесім шартында ұзартуды көздеді.
Жеткен мәліметтер бойынша, словакиялық маман қазірдің өзінде Қазақстандағы әлеуетті клубтардың бірімен байланысқа шығып, жұмыс істеуге келісімін берген.
Алайда, Вайсстың агенті Еуропада, оның ішінде Ресейде жұмыс істеу нұсқаларын қарастыруда.
Біздің серіктес: FONBET