Беларуссиялық «Рух» клубының жартылай қорғаушысы Владислав Васильев өзінің Қазақстан құрамасына алғаш рет шақырылғаны туралы пікір білдірді. Ол ұлттық құрамада кез-келген позицияда ойнауға дайын екенін атап өтті.
- Владислав, ұлттық құрамаға шақыртуыңыз құтты болсын! Сіз қандай седімдесіз?
- Үлкен рахмет! Эмоциялар жағымды (күлімсіреді).
- Беларуссиямен кездесуде сіз үшін қосымша мотивация бола ма? Алдағы ойын туралы не ойлайсыз?
- Менің ойымша, бұл қиын ойын болады. Алматыдағы матч көрсеткендей, бұл екі құраманың деңгейі шамалас. Мен үшін қосымша мотивация - бұл ұлттық құрамадағы барлық матчтар. Қарсыластың кім екендігі маңызды емес. Әсіресе, сіз өз құрамағыз үшін ойнағанда.
- Беларуссиядағы достарыңыз бұл жайлы не айтады? Мүмкін осыған байланысты әзілдер болған шығар?
- Әзілдер әлі болған жоқ (күліп). Мүмкін енді болатын шығар.
- Бас бапкер Михал Билек сізге хабарласып үлгерді ме?
- Жоқ, ұлттық құраманың әкімшісі менімен байланысқа шықты, ол мені командаға шақырды деп айтты. Әрі қарайғы іс-шаралар туралы нұсқаулар берді.
- Албания құрамасы туралы не білесіз?
- Мен бұл команданың көптеген ойыншылары Италияның А сериясында ойнайтынын білемін.
- Өзіңізді ұлттық құрамада қандай позицияда көресіз?
- Мен маусым бойы орталық аймақта жартылай қорғаушы ретінде ойнадым. Алайда ұлттық құрамада кез-келген позицияда ойнауға дайынмын.
- Әлеуметтік желілерде олар сізге бірқатар қазақстандық командалардың қызығушылығы туралы жазды. Олардың ішінде "Шахтер", "Астана" және "Қайсар" бар.
- Мен бұл туралы оқыдым, бірақ мен бұл клубтардың қызығушылығы туралы ештеңе білмеймін.
23 жастағы Васильев Беларуссияның "Динамо Брест" клубына тиесілі, бірақ "Рух" клубында жалда ойнайды. Жартылай қорғаушы осы маусымда 23 ойында алты гол соғып, бес нәтижелі пас берді. Бұрын футболшы Қазақстанның жастар құрамасында және Қарағандылық "Шахтерде" ойнаған.
Біздің серіктес: FONBET