Зайнутдинов РПЛ-де доп тебеді, бірақ құрамаға келгісі жоқ... Бірақ, онда да жетістіріп жүрген жоқ! Ресейлік сарапшылар неге жиі сынауда?
«Спартактың» экс-президенті Андрей Червиченко РПЛ-дың 11-турындағы «Динамо» мен «Локомотив» арасындағы (3:5) матчта қателік жасаған қазақстандық қорғаушы Бақтиер Зайнутдиновтың өнерін сынады.
«Керемет матч болды, сенбінің кешіне арналған нағыз тартысты ойын. Осындай кездесу ЦСКА мен «Спартак» арасында да болса екен деймін. Бірақ Зайнутдиновтің ойыны құлдырап кетіпті. Тіпті «Динамоның» жеңілісіне себеп болды. Екі гол оның қателігінен соғылды. Нәтиже әділ. Тек бір күмәнді сәт – «Динамо» қақпасына белгіленген пенальти», - деді А. Червиченко.
Дәл қазір РПЛ кестесінде «Динамо» 15 ұпаймен сегізінші орынға жайғасауда.
Естеріңізге сала кетейік, Бахтиер Зайнутдинов биыл шілдеде түркиялық «Бешикташтан» «Динамоға» ауысып келген болатын.
Біздің серіктес: FONBET