Ресейге қарсы кездесуде Қазақстан құрамасы сапындағы алғашқы матчын өткізген Тоқтар Жанғылышбай дебюттік ойыны туралы пікірін айтты.
«Алғаш рет алаңға шыққаныммен, ешқандай толқу сезінген жоқпын. Ұлттық құрамадағы көптеген футболшылармен бірге ойнадым. Алаңға аз ғана уақытқа шыққаныма қарамастан, менде екі жақсы мүмкіндік болды. Алғашқысында гол соғуға мүмкіндік жасайтын пас бердім, кейін өзім соққы жасап, допты қақпаға дәл бағыттай алмадым. Тәжірибе жетіспеген секілді, әлі де жаттығу жасау керек», - деді Тоқтар.