Жанкүйерлердің 83%-ы Ламин Ямалды “Алтын допқа” лайықты деп санайды

Суперкубок, Испания Кубогы,  Ла Лига. Осы үш жеңіспен қатар, Ламиннің медиа кеңістіктегі зор ықпалы да оны “Алтын допқа” басты фавориттердің біріне айналдырып отыр деседі.

Ламиннің маусымдағы жалғыз “сәтсіздігі” – Ұлттар лигасының финалындағы байқалған өнері, бірақ жартылай финалда керемет ойнағанын ескерсек, бұл сын аса ауыр соққы болмайды. Чемпиондар лигасының жартылай финалындағы “Барселонаның” шығып қалуы да шешуші фактор болмайды, себебі төрешілер шешіміне қатысты дау-дамай болғанына қарамастан, Ламин сол ойында жоғары деңгейде өнер көрсетті.

Соңғы күндері Ямал 18 жасқа толуын тойлаған салтанатты кеші үшін сынға ұшырауда. Бұл кеште бойы аласа өнерпаздар мен гламур модельдер қатысқан. Осы сындарға жауап ретінде футболшының әкесі Мунир Насрауи баспасөзге шығып, ұлын қорғады.

Ламин Ямалдың “Алтын допқа” басты бәсекелесі ретінде “ПСЖ”-мен үш бірдей турнир жеңіп алған Усман Дембеле аталуда. Дегенмен, Франция құрамасының Ұлттар лигасының жартылай финалында Испаниядан жеңілуі Ламиннің пайдасында, себебі дәл сол ойында ол гол соққан болатын. Сонымен қатар, “ПСЖ” клубы Клубтар арасындағы Әлем чемпионатын жеңе алмағаны да Дембеленің мүмкіндігін төмендетуде.