Никлас Бендтнер жаттығуға кешігіп келгені үшін «Шалькеге» қарсы кездесуде алаңға шыға алмады. Тәртіпті бұзғаны үшін клубтың бас директоры Клаус Аллофс оны ойыннан шеттеткен.
Даниялық шабуылшы жұмада өткен жаттығуға бір сағат кешігіп келген екен.
«Жаттығудың нешеде басталатынын білудің бірнеше амалы бар. Вольфсбург ондай үлкен қала емес қой», - деді Аллофс.
«Вольфсбургтың» бас бапкері Дитер Хеккинг жаза қолданылғанын растады, бірақ Никлас келесі ойынға қатыса алады.