Астананың жартылайқорғаушысы Чемпиондар Лигасының топтық кезеңіндегі екінші сары қағазын алды.
"Атлетикомен" болған кездесуде(0:0) Бауыржан ойынның 60-шы минутында тәртіп бұзып, келесі ойынға қатысу құқығынан айырылды. Ал, келесі матч "Астана" өз алаңында "Бенфикаға" қарсы өткізбек. Дегенмен, жанкүйерлер үшін жағымды жаңалық та жоқ емес. Чемпиондар Лигасының іріктеу кезеңінің 3-ші раундында "ХИК"-ке қарсы кездесуде дөрекілігі үшін алаңнан қуылып, нәтижесінде Уефа тарапынан алты ойынға жазаланған Патрик Твумаси "Бенфикамен" болатын ойында командаға көмектесе алады.