Жұлдыздардың ұстазы – Иван Ильницкий “Тараз” клубына оралды

Бұл тағайындау клубтың жас таланттарды іздеу және іріктеу бағытындағы жұмысын жаңа деңгейге көтерері сөзсіз.

Таланттарды тани білетін бірегей маман

Иван Михайлович — отандық футболдың дамуына өлшеусіз үлес қосқан тұлға. Халық арасында "Ваня ағай (Дядя Ваня)” есімімен танымал маманның ең басты қасиеті — баланың бойындағы жасырын талантты ерте жастан дөп басып тани білуі.

Ол көптеген футболшылардың алғашқы жаттықтырушысы ретінде, олардың кәсіби деңгейге көтерілуіне даңғыл жол ашып берді. Бүгінде Қазақстан ұлттық құрамасының өзегіне айналған талай саңлақ осы кісінің мектебінен түлеп ұшқан.

"Ваня ағайдың" шәкірттері

Иван Ильницкийдің қырағы көзіне ілініп, үлкен футболға қадам басқан танымал ойыншылар мыналар:

• Бауыржан Исламхан

• Бахтиер Зайнутдинов

• Мұхамеджан Сейсен

• Ғалымжан Кенжебек

• Дәурен Жұмат

• Дінмұхамед Қараман және басқа да көптеген кәсіби футболшылар.

"«ВАНЯ АҒАЙ» БІЗБЕН БІРГЕ

Жанкүйерлерге «Ваня ағай» деген атпен кеңінен танымал аңызға айналған маман Иван Ильницкий «Тараз» футбол клубы құрылымына қайта оралды.

Ол футбол орталығының скауты қызметіне тағайындалды.

Иван Михайлович отандық футболдың дамуына зор үлес қосып, әр жылдары Қазақстан Ұлттық құрамасында өнер көрсеткен көптеген футболшылардың алғашқы бапкері.

Аулаларды аралап, бүлдіршін кезден таланттарды тани білетін, таба алатын қасиеті бар Ваня ағай Бауыржан Исламхан, Бақтиёр Зайнутдинов, Мұхамеджан Сейсен, Ғалымжан Кенжебек, Дәурен Жұмат, Дінмұхамед Қараман секілді жігіттердің үлкен футболған қадам басуына бірден бір себепкер.

Мол тәжірибесі бар әрі беделді маманның клубқа қайта оралуы футбол орталығының жұмысын күшейтіп, жас футболшыларды даярлау жүйесінің дамуына маңызды серпін береді деп сенеміз!

Ваня ағай әрдайым бізбен бірге!” – деп жазды команда ресми түрде.

“Тараз” үшін Иван Ильницкийдің скауттық қызметке келуі — академия мен негізгі құрам арасындағы алтын көпір болмақ.