FIFA өзінің ресми сайтында жылдың үздік қақпашысы номинациясына ұсынылған ойыншылардың тізімін жариялады.
Үміткерлер тізімі: Алисон Беккер ("Ливерпуль"), Тибо Куртуа ("Реал"), Кейлор Навас ("Пари Сен-Жермен"), Мануэль Нойер ("Бавария"), Ян Облак ("Атлетико"), Марк-Андре тер Штеген ("Барселона").
Өткен маусымда Алисон «Ливерпульмен» Англия чемпионы, Куртуа «Реалмен» Испания чемпионы, Навас ПСЖ-мен Франция чемпионы атанды. Нойер «Бавариямен» требл жеңіп алды, ал Облак пен Тер Штеген трофейсіз қалды.
ФИФА The Best-2020 салтанатты жиынын 17 желтоқсанда өткізуді жоспарлауда және онлайн режимде өтеді. Үздік қақпашыларға дауыс беру бүгін, 25 қарашада басталып, 9 желтоқсанда аяқталады.
Біздің серіктес: FONBET