«Реал Мадридтің» қосалқы командасы «Кастильяны» жаттықтыратын Зинедин Зидан Лионель Месси мен Криштиану Роналдуды бөліп-жармайтынын айтты.
«Мен бұл екі футболшының біреуін таңдай алмаймын. Екеуі де – әлемнің үздіктері. Бұл ойыншылардың алаңда істегендері басқалардан тым басқа», - деді бұрынғы атақты футболшы.
Естеріңізге сала кетсек, Криштиану Роналду 2014 жылдың қорытындысы бойынша «Алтын допты» алып, мансабындағы осындай жүлдені үшеуге дейін жеткізді. Ал Лионель Месси болса, мұндай атаққа төрт рет ие болған.