Ел чемпионатының 11 тур ойындары 15 мамыр күні өтеді. Бұл турдағы орталық ойын Астанада. «Локомотив» өз алаңында «Тобылды» қабылдайды. «Локомотив» пен «Тобыл» осыған дейін 7 матч өткізіп, 2 ойында «Тобыл» жеңсе, 4 ойында астаналықтар басым түскен. 1 ойын тең. Көш басындағы «Жетісу» өз алаңында Өскеменнің «Востогынан» сынақ алады. Бұл екі команда 28 рет кездесіп, 13 матчта «Жетісу» жеңсе, 12 ойында «Восток» басым түскен. 3 ойында тең түсіпті. «Ақтөбе» Қызылордаға қонақ болады. «Қайсар» «Ақтөбеге» 11 ойында жеңілген. Ал 6 матчта жеңіпті. 9 ойында қос команда тең тарқасқан.«Ертіс» – «Ордабасы» 21 ойын (+9,=3,-9)«Қайрат» – «Шахтер» 45 ойын (+19, =11, -15)«Атырау» – «Тараз» 18 (+9, = 4, -5)
