"Астана" мен "Касппий" ойыны осы турдың ең қызықты кездесулерінің бірі. Бұл ойында ақтаулық команда жеңіске жететін секілді. "Астана" қазыр іштен іріп жатыр. Қуатты қуып, Монзорроның көңіліне қарады. Легионерлердің клубына айналып келе жатыр. Ертең ақша таусылса, бір күнде ыдырап, жабылып қалатындай болып көрінеді де тұрады. Прокопенко, Басманов, Сағынаев үшеуі ғана ойнамайтын шығар енді?
Жалпы "Каспий" осы ойынды жеңіп, турнирлік кестеде жеке дара көш бастайды. Қалғанын көре жатармыз. Менің ойымша маңғыстаулықтар түбі жеңілмейтін секілді.
"Атырау" - "Тобыл" негізі матч терезесі тең ойынмен өріледі. Бірақ, деңгейдің аты деңгей деп "Тобыл" жеңіп кетуі ықтимал. Шебер ойыншылары өте көп қой, қанша дегенімен. 0:1 деген есеп тіркелсе таңқалмаңыздар. Екеуінің де ойыны бір-біріне ұқсас.
"Шахтер" - "Ақжайық". Қарағандылықтар "Тараздан" жеңілген соң осы жолы ашулы. "Тазы ашуын тырнадан алады" демекші, "Шахта" жеңіске жетеді. "Ақжайық" сапында Оралхан Өміртаев өзінің бұрынғы клубына гол салса, шіркін. "Керек қылмай қуып жіберіп едіңдер, мә сендерге" десе?! Бірақ, қарағандылық команда бұл ойынды жеңеді.
"Ақтөбе" - "Мақтаарал". Миллиондаған жалақы алатын легионерлерден құралған "Ақтөбе" осы матчта ұпай жоғалтса онда Муханов мырза қызметінен кетеді. Бірақ, жағдай оған жетпейді деп ойлаймыз. 1 доп басымдылығы болса да алаң иелері жеңіске жетеді.
"Ордабасы" - "Қызылжар". Шымкенттік команданың артқа шегінерге жолы жоқ. Тек қана шабуыл. "Қызылжар" жасанды алаңда жақсы ойнайды да, табиғи шөпке келгенде "өтәлақтап" қалады. матч тең аяқталады деген ойдамыз. Ешкім қарсы болмайтын шығар.
"Қайрат" - "Тұран". Алматылық "Қайрат" сәл де болса мықты. "Тұран" бас бапкерін ауысытырып жақсы ойын көрсете бастады. Әйтпесе, анау Газзаев деген бапкер емес бірдеңе еді. Қуаныш Қабдоллов келіп өткен турда "Тұран" шабуылға лап қойды. "Ордабасы" тең нәтижеге қанағат деді. Бұл жолы "Қайрат" жеңуі тиіс.
"Ақсу" - "Тараз". Егер шынайы ойынмен, таза әрі әділ төрешілікпен өтсе мына матчта "Тараз" 3 ұпай алып кетуі тиіс. Ойын бойынша олар мықты. Бірақ,. футбол деген сонысымен қызық емес пе? Күтпеген жағдайлар орын алып, аспаннан пенальти келіп түссе не шара?
Біздің серіктес: FONBET
