Абат Айымбетов "Адана Демирспор" сапында
Түркия Суперлигасының 19-турындағы «Адана Демирспор» - «Газиантеп» кездесуіндегі өнері үшін Абат Айымбетов ең төменгі баға алыпты.
Қазақстан құрамасының шабуылшысының шеберлігін танымал Flashscore.com статистикалық сайты 6,1 ұпайға бағалаған. Бұл аталған бәсекеде ойынды негізгі құрамда бастағандардың арасындағы ең төменгі көрсеткіш. Отандасымыз Аданадағы кездесуді бірінші минуттардан бастап, 79-минутта алаңдағы орнын командаласына босатты. Ал матчтың өзі 0-1-мен газиантептік футболшылардың жеңісімен аяқталған еді.
Айта кетейік, Абат Айымбетов аданалық клуб сапындағы барлық турнирлердегі 14 ойында алаңға шығып, 3 рет мергендік танытқан. Ал «Адана Демирспордың» өзі 19 турдан кейін Түрік Суперлигасының турнирлік кестесінде ең соңғы орынға жайғасуда.
Қазақстандық футболшы түркиялық ұжымға былтыр «Астанадан» ауысып барған. Келісімшарты биылғы жылдың 30-маусымына дейін жарамды. Transfermarkt порталының мәліметіне сай 29-жастағы футболшының нарықтық құны 500 мың еуро.
Біздің серіктес: FONBET
