«Адана Демирспордың» саудасы бітті! Ал Абаттың жағдайы ше?

Суперлиганың соңғы ойындарының бірінде аданалық команда «Трабзонспор» клубынан 0:1 есебімен жеңілген еді. 

Онсыз да турнирлік кестенің соңғы сатысында келе жатқан «Адана» енді Сурерлигадан үмітін біржола үзді. Осы сәтсіздіктен кейін қазақстандық шабуылшы жанкүйерлеріне мәлімдеме жасады.

«Көп қызықты бастан өткердім. Ер адамның басына нелер келіп, не кетпес. Қалай болғанда да намысымызды жоғалтпай, мықты болайық», - деп жазды А. Айымбетов. 

Абат Айымбетов осы маусымда «Адана Демирспор» сапында 23 матчта өнер көрсетіп, 4 гол соқты.