Қазақстан мен Қырғызстанның ұлттық құрамалары Астанада футболдан жолдастық матч өткізеді, деп хабарлады BNews.kz тілшісіне Қырғызстанның футбол федерациясынан.
Кездесу 5 қыркүйек күні «Астана – Арена» стадионында өтеді. Басталуы сағат 19:00-де.
Бүгін қырғыз құрамасының бапкері Мирлан Эшенов Астанаға баратын құраманың құрамын бекітті. Барлығы құрамаға 18 футболшы шақырылған, оның 4-уі легионерлер.
Қырғызстанның футбол федерациясы қазақстандық әріптестерімен жолдастық матчты тікелей эфирде көрсету мүмкіндігі туралы келіссөздер жүргізіп жатыр.
