Forbes тізіміндегі қалталы азамат мұнайлы өлке командасын сатып алу ойынан айнып қалды.
Ибрагим Қазақстанның ең бай 75 кәсіпкерінің бірі. 62 жастағы азамат “Нефтестройсервис ЛТД” ЖШС компаниясына қожалық етеді. Жалпы оның әл-ауқат қоры бүгінгі таңда 184 млн долларды құрайды.
Ақдрашев әуел баста “Атырауды” сатып алуға келісімін берген. Алайда клубты тереңірек зерттей келе, ол ойынан айнып шыққан.
Айта кетейік, 2025 жылдың жаз айында “Астана” ФК директорлық кеңесіне кіріп, елорда командасына қаржылай көмек берген екен. 62 жастағы кәсіпкер елорда командасына еурокубок алдында трансферге ақша бөлген деген ақпарат бар.
