Грозныйлық “Ахмат” Ресей чемпионатының 2-туры аясында ЦСКА қонақта болды.
Қонақ команда үшін ойын басы жақсы басталды. Александр Сторожук шәкірттері командаға жаңадан қосылған Брайан Мансильяның көмегімен 15 минутта алға шықты. Алайда бірінші тайм бітерде Данил Круговой 1 минут ішінде дубль жасап, өз командасына жеңіс сыйлады.
Отандасымыз Максим Самородов ойынға екінші таймда қосылды. Ол шабуылшы Лечи Садулаевты алмастырып кірді. Бірақ соған қарамастан, таблодағы есепке ешқандай өзгеріс енбеді (2:1).
“Ахмат” командасы ішкі чемпионатта екінші матч қатарынан жеңіліп келеді. Бұған дейін жасылдар қазандық “Рубиннен” айласын асыра алмаған еді (0:2). Аталған ойында Максим Самородов алаңда 75 минут өткізді.
