“Ақтөбе” ауысымды кідіртуде – Косоволық жұлдыздың келуі неге кейінге шегерілді?

Албанияның "Эгнатия” клубы мен Косово құрамасының бұрынғы қорғаушысы Арбенит Джемайли арасындағы келіссөздер күтпеген жерден тоқтап қалды.

Legalbet.kz мәліметінше, қос тарап келісімге келуге өте жақын болған. Тіпті, орталық қорғаушы Қазақстанға келу үшін өзі туған Швейцарияға барып, виза мен қажетті құжаттарын да реттеп қойған көрінеді. Алайда, соңғы сәтте келіссөздер тұралап қалып, трансфер жүзеге аспады.

Неге жазға қалды?

Келісімнің неліктен үзілгені туралы нақты ресми ақпарат жоқ, бірақ бұл нүкте емес, үтір сияқты. Клуб басшылығы мен ойыншы арасындағы байланыс үзілген жоқ. Керісінше тараптар ортақ тіл табысуға әлі де мүдделі, трансфердің жүзеге асу ықтималдығы өте жоғары. Келіссөздердің екінші кезеңі жазғы трансферлік терезеде қайта жанданады деп күтілуде.