Қазақстан ұлттық құрамасы мен "Ақтөбе" клубының қорғаушысы Әлібек Қасым командадан тек жоғары өтемақы төленген жағдайда ғана кетеді.
ASnews.kz сайтының мәліметінше қорғаушының клубпен келісімшарты тағы бір маусымға жарамды. Алайда келісімде мынадай арнайы бап қарастырылған: футболшы Қазақстан Премьер лигасының басқа клубына кемі 200 миллион теңгеге сатылуы керек.
Ал егер Қасым шетелдік клубқа ауысатын болса, өтемақы көлемі міндетті түрде 100+ миллион теңгені құрауы керек.
