“Ақтөбеде” дабыл қағылды: Үш легионер маусым соңында командадан кетеді

YouTube-тағы Aibek Qabylsha арнасында тікелей эфирде сөйлеген Аманбаев "Ақтөбенің” үш ойыншысы – Уче Агбо, Жан Жайро және Секу Думбия клубпен қош айтысуға шешім қабылдағанын айтты. Оның сөзінше, футболшылар болашағын анықтап қойған және қалған турларда жарақат алмауға тырысуда.

Әсіресе, Бразилиялық жартылай қорғаушы Жан Жайроның жағдайы ерекше назарда. Ол биылғы маусымда "Ақтөбенің” негізгі көшбасшыларының біріне айналып, 24 ойында 8 гол соғып, 1 нәтижелі пас берген. 

Уче Агбо да Қазақстандағы үздік тірек жартылай қорғаушылардың бірі ретінде танылды, ал Секу Думбия тұрақты түрде негізгі құрамда ойнап келді. Алайда қазір, Аманбаевтың айтуынша, бұл ойыншылар командадан біртіндеп алыстап, ұжым ішінде психологиялық қысым тудыруда.

23 турдан кейін "Ақтөбе” 39 ұпаймен турнир кестесінде төртінші орында тұр. Үш негізгі ойыншының бір мезетте кетуі клубтың маусым соңындағы амбициясына елеулі соққы болуы мүмкін.

– Meta-ratings.kz