Арман Оспанов жуырда қызметінен босатылады, деп хабарлайды Aladop.kz.
"Жеңіс” клубынан ұтылғаннан кейін, “Ақтөбе директорының тағдыры шешілгені белгілі болды.
Мәліметтерге сүйенсек, клуб иесі Оспановқа деген сенімін толықтай жоғалтқан. Бұл шешімге тек алаңдағы сәтсіздіктер емес, басқа да салмақты себептер түрткі болған.
– Қаржылық сұрақтар: Клуб бюджетінің жұмсалуы мен тиімділігіне қатысты күмән туған.
– Басқарудағы олқылықтар: Менеджмент саласындағы бірнеше шешім басшылықтың көңілінен шықпаған.
Жанкүйерлер арасында қызу талқыланып жатқан 25 сәуірдегі “Ертіске” қарсы ойындағы жоспарланған наразылық клуб айналасындағы жағдайды одан сайын ушықтырып жіберді. Клуб ішіндегі берекесіздік пен жанкүйерлердің разы болмауы басшылықты шұғыл шара қолдануға мәжбүр еткен.
Ресми хабарлама әлі шықпаса да, клуб қожайыны деңгейінде түпкілікті үкім шығарылған. Арман Оспановтың “Ақтөбедегі” дәуірі аяқталды.
