Футболдан ұлттық жасөспірімдер құрамасының жаттықтырушысы Александр Кузнецов Taspanews.kz тілшісімен сөйлесіп, Кержаковтың Алматылық клуб тәлімгері қызметінен кетуінің мүмкін себептері туралы өз пікірімен бөлісті.
"Қайрат" көшбасшылықты сақтай алады "Дмитрий Парфенов, Юрий Ковтун, Александр Сиднев, Алексей Бага, Алексей Шпилевский және Александр Кержаков – барлығы, әрине, болашағы жарқын жас жаттықтырушылар. Алайда, өкінішке орай, Қазақстанда олар тек тәжірибе ғана алады. Оларға бұл болашақта табысты футбол тәлімгерлері болу үшін қажет. Жақында Қасым-Жомарт Тоқаев атап өткендей, елімізде спорт алға жылжу үшін өз жаттықтырушыларымызды дайындау қажет. Алайда әзірге бұл мүмкіндікті басқа елдер жаттықтырушыларына беріп келеміз", - деп атап өтті Кузнецов.
Александр Кержаковтың "Қайраттан" кетуіне келетін болсақ, сұхбаттасу айтуынша, ол "өзін көрсете алмады".
"Әрине, ол аңызға айналған футболшы. Біз клуб ішінде не болғанын білмейміз, алайда әр матчтың нәтижесінен түскен қысым мен жоғары жауапкершілік оған әсер еткен болар. "Қайрат" өз шаңырағында – Алматыда тікелей бәсекелесі - елордалық "Астанадан" ұтылуы шешуші рөл атқарған шығар", - деді сарапшы.
Футбол клубының "тараптардың өзара келісімі бойынша келісімшартты бұзу" туралы ресми мәлімдемесінен бірнеше сағат бұрын ғаламторда алматылық футбол клубымен ынтымақтастықты тоқтатудың бастамашысы Кержаковтың өзі болды деген сөз тарады.
"Егер бұл шындық болса, Кержаковтың батылдығын мойындау керек. Кез-келген жаттықтырушы командамен байланыс орната алмағанын мойындай алмайды. Бұл кәсіби маман екенін көрсетеді",
- деді Кузнецов.
Бүгінгі таңда "Қайрат" ҚПЛ тұрақты чемпионатының турнирлік кестесінде бірінші орында тұр. Футбол клубы есебінде 18 ойыннан 32 ұпай бар. Алайда оның тікелей бәсекелестері – "Астана" мен "Ордабасы" клубтары қосымша матчтар өткізеді. Оларда жеңіске жеткен болса, олар қуып жетіп қана қоймай, алматылық клубты басып озады.
"Қайрат" көшбасшылықты сақтай алады. Елордалық клубта "қарқынды күз" болады. Жаңа форматта өтетін Конференциялар Лигасындағы матчтар нәтижеге әсер ететіні сөзсіз. Алматылық клубқа ең алдымен өз матчтары туралы ойланып, бар назарын аударуы керек. Бұл орайда клубтың талантты футболшылар мен жаттықтырушылар штабы бар",
- деп атап өтті Кузнецов.
Маманның айтуынша, "Қайраттың" бапкерлік қорында жаттықтырушы міндетін бұрынырақ та атқарған тәжірибелі Рафаэль Уразбахтин бар.
"Ол команданы іштей жақсы біледі және маусымды сәтті аяқтау үшін қажетті "тетіктерді" таба алады. Чемпионат жарқын өтеді деп сеніммен айта аламын",
- деп атап өтті жаттықтырушы.
Стратегиялық міндет – жаттықтырушыға жұмыс істеуге мүмкіндік беру
Кузнецов сонымен қатар бүкіл Қазақстанда жаттықтырушы кадрларды дамыту мәселесін көтерді.
"Әрине, бұл – министрліктер мен ведомство басшыларықтарының бірінші кезектегі міндеті. Клубтар өздерінің жаттықтырушыларына сене бастауы керек. Басқа сәттіліктің сыры жоқ. Әр жаттықтырушыға клубтың оған деген сенімі қажет. Бұл шығармашылық мамандық және сәтті нәтиже алу үшін топ ішінде толық өзара әрекеттесу қажет. Стратегиялық міндет – жаттықтырушыға жұмыс істеуге мүмкіндік беру",
- деп түсіндірді сарапшы.
Жаттықтырушы сонымен қатар елде футбол клубтары санаулы екеніне назар аударды. Сондықтан мамандар өз білімдерін іс жүзінде қолдана алатын жұмыс орындарының тапшылығы бар.
