Алматылық "Қайраттың" капитаны Александр Мартынович Ресейлік футболдың қазіргі деңгейіне қатысты пікір білдіріп, алдағы жылға арналған тілегін жеткізді, деп хабарлайды Aladop.kz.
Халықаралық аренаның орны бөлек
Көп жылдар бойы Ресей Премьерлигасында өнер көрсеткен Мартынович көршілес елдің футболы қазіргі уақытта үлкен бәсекелестікті қажет ететінін айтады. Оның пайымдауынша, Ресейлік ұжымдардың Еуропалық додалардан шеттетілуі футболдың даму қарқынына әсер етіп отыр.
2026 жылға арналған тілек
"Қайрат” қорғаушысы 2026 жылы Ресей футболында оң өзгерістер болады деп үміттенеді. Ол халықаралық жарыстардың маңыздылығына ерекше тоқталды:
"Мен РПЛ-ге және бүкіл Ресейлік футболға 2026 жылы тек ілгерілеу тілеймін. Ресейлік клубтардың халықаралық аренаға қайта оралып, Еурокубоктарда бақ сынағаны маңызды. Қазіргі уақытта олардың жоқтығы қатты сезіледі.” — деді Мартынович Metaratings.ru сайтына берген сұхбатында.
