"Тобылдың" бас бапкері Александр Москаленко Конференция Лигасының үшінші іріктеу кезеңіндегі словакиялық "Жилинамен" болған ойын (0:1) туралы пікір білдірді:
- Бүгін команда неліктен сәтсіздікке ұшырады? Жеңілістің себебі неде?
- Біз гол соға алмадық. Сіз ойынды көрдіңіз - бізде мүмкіндіктер болды. Неліктен доптың қақпаға кірмей қалғанын білмеймін. Демек бұл олардың дұрыс емес нәрсе жасағанын білдіреді. Күштілердің жолы болады.
- Неге ойынның тағдырын өзгерте алмадыңыздар?
- Біз жай ғана гол салғымыз келіп, қорғанысты ұмыт қалдырдық, сондықтан "Жилинада" мүмкіндіктер пайда бола бастады. Егер гол соғылса, ойын өзгерер еді. Жігіттер матч бойы алға қарай жүгірді - еуропалық ойындарда бұлай жасауға болмайды. Біз мұндай ойындарда гол соғуымыз керек. Біз мүмкіндіктер жасадық, бірақ сәтті аяқтай алмадық.
- "Жилина" сізді несімен таң қалдырды?
- Ештеңемен. Біз оны қарап шықтық, олар жаңа ештеңе жасай қоймады. "Жилина" қорғаныста ұйымшылдықпен ойнады және ойыншылары барын салды. Еуропаның өте жақсы дайындалған командасы деп айтсақ болады.
- Қарымта ойын алдындағы мүмкіндіктерді қалай бағалайсыз?
- Біз келесі кезеңге өтуге тырысамыз. Егер тырыспасақ, екінші ойынға барудың қажеті қанша? Бармай-ақ қоюға да болады. Дайындықты жалғастырамыз.
Біздің серіктес: FONBET
