«Ордабасының» бас бапкері «Ротормен» болған (3:0) жолдастық ойын жайлы пікір білдірді:
- Біздің ойынымыздың сапасы мен динамикасы өте маңызды, бұл кез келген табыстың негізі. Ерте ме, кеш пе, сапамен жұмыс жасау қажет болады, өйткені бұл - ең басты нәрсе.
Ойыншылардың мені, менің ойыншыларды түсінуім де маңызды, біз оларды қалыпқа келтіріп, қабілеттерін жасыл алаңда пайдаланғымыз келеді. Мен ойыншыларға біздің жұмыс барысында жасалатын ескертулер мен ұсыныстарға бей-жай қарамайтындықтарына алғыс айтамын. Олардың өз істерін дұрыстағысы келетіндігін көрудемін. Әлбетте, әрбір жеңіс арқылы атқарылған жұмыстан ләззат аламын. Бірақ біз бұның маусымалды дайындық екенін жақсы түсінеміз, жаңа маусым басталғанда барлығының басқаша болары сөзсіз.
Біз мұндай ойынды маусымға да енгізіп, жеңістерге жеткіміз келеді. Біз осы үшін және команданың дайындығы үшін барлығын жасауға тырысатын боламыз. Әзірге жиын аяқталмаса да, жемісті еңбек ете алдық, бізде әлі бұрынғыдан ауыр болмаса, жеңілге түспейтін жаттығу күндері бар. Мен ойыншылардың кәсіби түрде жұмыс істейтіндеріне ризамын және осындай жауынгерлік көңіл-күймен алдағы маусымға да аяқ басамыз деп сенемін.
Біздің серіктес: FONBET
