Қазақстан құрамасының шабуылшысы Алексей Щеткин "Ротор" клубына қайта оралды. 30 жастағы футболшының волгоградтық клубпен келісім-шарты 1+1 жүйесі бойынша жасалды.
Щеткин "Ротор" клубына осы жылдың басында қосылған еді. Өткен маусымда шабуылшы "Ротор" сапында бес матч өткізіп, екі гол соқты. Ал оның командасы маусымның қорытындысы бойынша ФНЛ-ге түсіп қалды.
Бұған дейін Щеткиннің "Уфа" клубымен келіссөздер жүргізгені хабарланған болатын. Одан бөлек, өзбекстандық "Турон" клубы да Алексейге қызығушылық танытты.
